Банур Узакбаева: аялдардын ириңдеп кеткен эмчегин операциясыз дарылоо ыкмасы табылган
Саламаттык сактоо министрлигине караштуу Улуттук онкология борборунун врач-радиологу, медицина илимдеринин кандидаты Банур Узакбаева аталган сыйлыкка ээ болгондордун бири.
Ал салтанаттуу иш-чарада сөз сүйлөп жатып, аялдардын эмчегинин ириңдеп кетүү илдетин операциясыз дарылоо ыкмасын кесиптештери менен биргеликте ойлоп табууга жетишкенин белгиледи.
"Эмчеги ириңдеп кеткен аялдарды 3-5 күндүн ичинде операциясыз, наркоз бербей, антибиотиктерди колдонбой туруп дарылоо мүмкүнчүлүгүнө ээ болгонбуз. Бул методду 10 жылдан бери колдонуп келе жатабыз", — деп билдирди Узакбаева.
Ал ошондой эле сыйлык тапшырган президентке ыраазычылыгын билдирди.
