БИШКЕК, 9-ноя. — Sputnik. ИИМдин эксперт-криминалисттик бөлүмүнүн начальниги үч бөлмөлүү батирдин ачкычын алгандан кийин эртеси каза болуп калды. Бул тууралуу ИИМдин маалымат кызматынан кабарлашты.
Билдирмеге караганда, батирдин ачкычын тапшыруу аземине кызматкердин жубайы катышкан.
Өзү 31-октябрда ооруканага жатып калган. Ал эми эртеси, 1-ноябрда милиционерлер күнүндө каза болуп калды. Дарыгерлердин айтымында, инфаркттын айынан каза болгон. Катуу кубанган экен. Батирди көптөн бери күтүп жүргөн эле. Органда 20 жылдан ашык убактан бери иштеген", — деп билдиришти ИИМден.
Каза болгон 44 жаштагы милициянын майору, ИИМдин эксперт-криминалисттик бөлүмүнүн начальниги болгон. Маркумдун артында төрт баласы калды.
Каза тапкан милиционердин тааныштары ал эч качан ичимдикти аша чаап ичпегенин билдиришти.
