БИШКЕК, 13-ноя. — Sputnik. Вьетнам бийлиги браконьерлерге каршы күрөшүү иш-аракеттеринин алкагында алардан алынган пил менен носорогдун 2 тонна азуу тиштерин жок кылганын Ассошиэйтед Пресс маалымат агенттигине таянуу менен РИА Новости жазып чыкты.
Буга чейин укук коргоо органдары 330 Африка пили менен 23 носорогдун азуу тиштери жүктөлгөн машинаны кармашкан. Ханоя шаарынын четинде бул сөөктөр алгач жанчылып, андан кийин өрттөлүп жок кылынган. Кийинки жумада Ханойдо бул жааттагы мыйзамсыз соодага байланышкан эл аралык конференция өтөт.
Африкадагы браконьерлер пил менен носорогдорду өлтүрүп, алардын азуу тишин көмүскө базарда сатып келет. Ошондой эле бул сөөктөр рак дартын да дарылайт деген туура эмес түшүнүктөн улам бул жаныбарларга ууга чыккандар көп болуп жатканы маалыматта айтылат.
