Маданият бөлүмүнүн башчысы Ходжаева: маданият үйлөргө элдин муктаждыгы жоктой
Баткен районунун Кызыл-Бел айылындагы жайкы маданият үйүнүн тамтыракайы чыгып, талкаланып иштебей калганына эки жылдын жүзү болду. Ал эми райондук маданият бөлүмүнүн башчысы Айсулуу Ходжаева элдин маданият үйлөргө муктаждыгы жоктой сезилерин айтат.
"Элге салсаң биринчи кезекте мектеп, бала бакчаны айтат экен. 2009-жылы 100 миң сом бөлүнүп, сахнанын чатыры жабылган. Бирок берилген каражат эч нерсеге жетпей калды. Кароосу келишпей, жаңы эле салынган сахна талкаланып, отургучтар сынып бүттү", — деди Ходжаева
Белгилей кетсек, Баткен районунун аймагында бүгүнкү күндө 15 айылдык клуб болсо, анын үчөө авариялык абалда.
