БИШКЕК, 23-ноя. – Sputnik. "Убакытты токтот" аттуу флешмоб дүйнө жүзү боюнча соңку бир айдан бери социалдык тармактарда модага айланды. Бул флешмобго жөнөкөй жарандар эле эмес, дүйнөлүк жылдыздар, спортчу, саясатчылар, жада калса иттер да катышууда.
Анда кокусунан убакыт токтоп калгандай түр көрсөтүп, баары ар кандай абалда катып калышат. Видеолорун "Останови время" же "Mannequinchallenge" деген хэштег менен жарыялап, досторуна эстафета менен узатышууда.
Sputnik Кыргызстан агенттиги "убакытты токтоткон" атактууларды тизмектеди.
Белгилүү рэпер Тимати "Black star" бургеринде ашканасынан баштап сыртта кезек күткөндөргө чейин тартып, убакытты токтотушкан.
Тиматиден эстафета алган Егор Крид өзгөчөлөнүп, манекендер менен флешмоб уюштурган.
Россиялык ырчы Дима Билан Крокус Сити Холл залында концерт учурунда "убакытты токтотту".
Америкалык жылдыз Роб Кардашьян үй-бүлөсү менен төрөт учурундагы көрүнүштү сүрөттөп катышкан.
#Portugal #MannequinChallenge pic.twitter.com/jzBneU6JUK
— Portista (@FCPortoGlobal) 12 ноября 2016 г.
Белгилүү футболчу Криштиану Роналду бул эстафета үчүн ич кийимине чейин чечинген.
Don't stand still. Vote today: https://t.co/jfd3CXLD1s #ElectionDay #MannequinChallenge pic.twitter.com/4KAv2zu0rd
— Hillary Clinton (@HillaryClinton) 8 ноября 2016 г.
АКШнын президенттигине талапкер болгон Хиллари Клинтон 8-ноябрь шайлоо күнү учактын ичинде убакытты токтоткон.
Флешмобго Россиядагы Мамлекеттик Думанын "Единая Россия" партиясынын депутаттары дагы катышып жумуш учурунда "убакытты токтотушкан".
Адамдар эле эмес, иттер да бул флешмобго катышып коомчулукту таң калтырууда.
Мындан кыргызстандыктар да четте калбай өзгөчөлөнүп, эки жаш үйлөнүү тоюнда "убакытты токтотууга" жетишкен.
Эске сала кетсек, бул флешмобго Sputnik Кыргызстан агенттигинин чыгармачылык жамааты да катышып, кезекти башкаларга узатты.
