БИШКЕК, 3-дек. – Sputnik. Бириккен Улуттар Уюмунун илим, маданият жана билим берүү боюнча уюму 50дөн ашык маданий мурас кооптуу абалда турат деген маалыматты таратты. Бул туурасында РИА Новости Франс Пресс агенттигине шилтеме кылып билдирди.
"Тизмедеги дүйнө боюнча 1052 объектинин 55и кооптуу абалда турат. Согуштар, жер титирөө, жаратылыш кырсыктары, айлана-чөйрөнүн булганышы, браконьерлик, шаарлашуу, жапайы туризм дүйнөлүк мурастарга оңбогондой зыян алып келүүдө", — деп жазган агенттик ЮНЕСКОнун маалыматына таянып.
ЮНЕСКО башка эл аралык коомчулуктарды да тарыхый объектилерди сактап калууга көмөк көрсөтүүгө чакырды.
Алардын катарында Мали, Өзбекстан жана согуш болгон Ливиядагы беш объект бар. ЮНЕСКО мындан сырткары Афганистан, Ирак, Иерусалим, Нигерия, Сирия, Йеменде да мындай жайлар бардыгын кабарлады.
