Жалал-Абад шаарында Манас күнүнө карата окуучулар арасында Манас айтуу иш-чарасы болуп өттү. Иш-чарага облуста жайгашкан 14 мектептин 8 жаштан 15 жашка чейинки 100гө чукул окуучусу катышты.
Уюштуруучулардын айтымында, иш-чара ар улуттагы жаштардын башын бириктирүү максатын көздөйт. Салтанаттын ардактуу мейманы болгон манасчы Алимбай Матов эпос ар улуттун өкүлдөрүн бириктирип, ынтымакты даңазалаган улуу баян экенин белгилеп өттү.
Иш-чара "Мекеним менин Кыргызстан" долбоорунун алкагында Тарых жана маданият жылына арналды.
Эскерте кетсек, Манас күнү жыл сайын 4-декабрда өкмөттүн токтомунун негизинде белгиленип келет.
