БИШКЕК, 14-дек.— Sputnik. Кытайда балдарды сатууга шектелген кылмыштуу топ кармалды. Бул тууралуу РИА Новости Кытайдын Коопсуздук министрлигине шилтеме жасап маалымдады.
Билдирүүгө ылайык, балдарды сатууга шектелген 157 адам камалып, 36 бала куткарылган. Алардын бул иш-аракеттерин аныктоо жана токтотууга бир нече аймак менен райондун укук коргоо органдары катышкан.
Аталган кылмыштуу топ 2014-жылдан бери иштеп келе жаткандыгы белгилүү болгон. Учурда кармалгандардын үстүнөн тергөө иштери уланууда.
Куткарылган балдар коопсуз жерге жайгаштырылды.
