БИШКЕК, 16-дек. — Sputnik. Улуттук статистикалык комитети түгөйүн таппай калган кыргыз жарандарынын санын аныктады.
Ведомствонун маалыматына караганда, республика аймагында түгөйсүз жашагандардын саны өтө деле көп эмес. 50 жаштан ашкан эркектердин 1,2 жана аялдардын 1,5 пайызы гана эч качан никеге турган эмес.
Улуттук статистикалык комитеттин берген маалыматы боюнча өлкөдө үлпөт тойлор көп өтө баштаган. Акыркы 15 жылдын ичинде никеге тургандардын саны 2,2 эсеге өскөн. Жыл сайын ар бир миң кыргызстандыкка сегиз нике туура келет.
Анткен менен ажырышкандардын саны дагы арбын: 2000-жылдан тарта КР аймагында ажырашкандардын саны бир жарым эсеге көбөйгөн. Жыл сайын эки миң жубайдын үчөө ажырашат.
