БИШКЕК, 18-дек. — Sputnik. Сомалинин түштүк тарабында "Аш-Шабаб" террордук уюмунун мүчөлөрү жергиликтүү тогуз жай жаранды өлтүрүп, андан сырткары 2000 төөнү айдай качкан. Бул туурасында РИА Новости Синьхуага шилтеме кылып кабарлады.
Согушкерлер менен жергиликтүү элдин кагылышы Кисмайо деп аталган шаарда болуп, террорчулардын үч кишиси өлгөн.
"Аш-Шабабдын" кишилери мал кармаган жети кишини өлтүрүп, 2 миңге чукул төөнү уурдап кеткен", — деп билдирген коопсуздук кызматы.
Сомалиде "Аш-Шабаб" өлкөнүн борбордук өкмөтүнө каршы туруп жана Бириккен улуттар уюмунун гуманитардык ишмердүүлүгүнө бут тосуп келет. Бул топту АКШ 2008-жылы террордук уюмдардын катарына киргизген.
