Камбаралы Дөөлөталиев: мөөнөтү өтүп кеткен пиротехниканы албаш керек
Бишкек ШИИБдин уруксат берүү бөлүмүнүн жетекчиси Камбаралы Дөөлөталиев жаңы жыл алдында пиротехниканы кантип тандоо керектигин айтып берди.
"Пиротехниканы сатып алууда аны колдонуу боюнча кыргыз орус тилдеринде түшүндүрмөсү болушу керек. Ошол эле учурда жарамдуу мөөнөтүн кароо зарыл. Эски болуп калса, колдонуп жатканда жарылып кетип, адамга коркунуч туудурушу мүмкүн", — деди ал.
Дөөлөталиев ошондой эле алардын кызматкерлери мектептерге, окуу жайларга барып пиротехниканы кандай пайдалануу керектиги боюнча лекцияларды окула турганын кошумчалады.
