БИШКЕК, 25-дек. — Sputnik. Борбордук шайлоо комиссиясы 15 шаар менен 237 айыл аймагында болуп өткөн шайлоонун жыйынтыгын бекитти. Бул тууралуу БШКнын маалымат кызматы кабарлады.
22 Бештин айы 2016, 19:19
Учурда Баткен, Сүлүктү, Исфана, Кадамжай, Айдаркен, Кызыя-Кыя, Таш-Көмүр, Кара-Көл, Талас, Нарын, Чолпон-Ата, Орловка, Кайыңды жана Кемин шаардык кеңештерине болгон шайлоонун жыйынтыгы бекиди. Бул тизмеде азырынча Бишкек шаары жок.
Мындан тышкары, БШК Жалал-Абад, Чүй, Талас, Баткен, Нарын жана Ысык-Көл облустарындагы жергиликтүү кеңешке болгон шайлоонун жыйынтыгын бекитти.
Шаардык жана жергиликтүү кеңешке өткөн партиялардын тизмеси менен БШКНын сайтынан таанышууга болот.
Шайлоо 11-декабрда 22 шаар менен 389 айыл аймагында өттү. Ошол эле күнү өлкөнүн Баш мыйзамына өзгөртүү киргизүү боюнча референдум болду.
