БИШКЕК, 27-дек. — Sputnik. Sputnik эл аралык маалымат агенттиги жана радиосу Жаңы жыл жана Рождество майрамдарынын алдында КМШ жана Балтика өлкөлөрү боюнча мультимедиалык саякаттын кышкы түрүн иштеп чыкты.
"Sputnik менен саякатта" кышкы тематикалык гиди суукта саякаттоону жактырган туристтерге жакынкы 14 чет өлкөдөгү* туризмдин эң кызыктуу жана пайдалуу жактарын сунуш кылат.
Sputnik агенттигинин жаңы гиди шаарлардын, жаңы жылдык жарманкелерин, лыжа базаларынын жана кышкы курорттордун эң кызыктуу маршруттарын түзүүгө жардам берет.
Кыргызстан, Армения, Абхазия, Грузия, Молдова, Тажикстан, Өзбекстан, Эстония жана Түштүк Осетияда Sputnik интернет ММКлардын сап башында турат.
Sputnik Кыргызстан өз ишин 2014-жылдын декабрь айында баштаган. Агенттиктин активинде кыргыз жана орус тилдериндеги маалымат порталы, радиоресурс жана жогорку технологиялык мультимедиалык маалымат борбору бар. Sputnik Кыргызстан өлкөдөгү интернет ЖМКлардын ичинен алдыңкы катарды ээлейт.
Sputnik Кыргызстан ондогон өлкөлөрдө мультимедиалык хабдары бар эл аралык маалымат агенттиги жана радиосунун бир бөлүгү болуп саналат. Sputnik өз карамагына 30дан ашуун тилде жарык көргөн сайттарды, аналогдук жана санарип радиоберүү, мобилдик тиркемелерди, жана социалдык тармактагы баракчаларды камтыйт. Катталуучулар үчүн жаңылыктар англис, араб, испан жана кытай тилдеринде жарыяланат.
*Абхазия, Азербайжан, Армения, Беларусия, Грузия, Казакстан, Кыргызстан, Латвия, Литва, Молдова, Тажикстан, Өзбекстан, Эстония жана Түштүк Осетия.
