БИШКЕК, 2-янв. — Sputnik. Жыл жаңырган түнү саат 00.00дө Кыргызстанда эки кыз төрөлгөнүн Саламаттык сактоо министрлигинин медициналык жардам көрсөтүү башкармалыгынын башкы адиси Раиса Асылбашева Sputnik Кыргызстан агенттигине билдирди.
Анын айтымында, наристелердин бири Нарын облусунун Ак-Талаа районунда, экинчиси Жалал-Абад облусунун Сузак районунда жарык дүйнөгө келди.
Жалпысынан 31-декабрдан эртең мененки 8.00дөн тарта 1-январдын ошол саатына чейин республика боюнча 316 ымыркай жарык дүйнөгө келди. Анын — 155и эркек, 161и — кыз.
Асылбашеванын айтымында, 00.00дө төрөлгөн кыздардын жана энелеринин ден-соолуктары жакшы.
