БИШКЕК, 8-янв. — Sputnik. Кытайдын түштүк-батышындагы Гуйчжоу провинциясында болжол менен 145 миллион жыл мурда жашаган динозаврлардын изи табылганы туурасында РИА Новости Кытайдын CCTV борбордук телеканалына шилтеме берүү менен жазды.
Из Бицзе аймагындагы аскалардан табылган. Окумуштуулардын айтымында, жандык динозаврлардын кескелдириктерге окшогон зауропод деген түрүнө кирген. Аталган динозаврлар 56 миллион жылга созулган Юр доорунда жашап, мындан 145 миллион жыл мурда жок болгонун аныкташкан. Аталган аймакка динозаврлар суу ичүү үчүн келип турган.
Юр доорундагы динозаврлардын издери биринчи жолу Гуйчжоу провинциясында табылып анын узундугу 30 сантиметрге жеткен. Ал эми жандыктын бийиктиги 6 метр болгону болжолдонууда.
