БИШКЕК, 14-янв. — Sputnik. Европанын онколог адистери эмчек рагын дарылоодогу жаңы жетишкендиктер менен бөлүшө турганын аталган дарттын үстүнөн иштеп келген "Эргене" коомдук фондусу билдирди.
16-январь күнү Бишкекте онкологиялык ооруларга арналып өткөрүлө турган тегерек столго Европанын онкология мектебинин өкүлдөрү чакырылган. Иш-чарага кыргызстандык адистер да катышмакчы.
"Жолугушууда эмчек рагы боюнча абал, андагы көйгөйлөр, ошондой эле европалык онкологдор менен кызматташуу маселелери талкууланат", — деп айтылат маалыматта.
Европалык онкологдор КР дарыгерлерине ракты дарылоонун жаңы ыкмалары тууралуу айтып беришмекчи.
