БИШКЕК, 17-янв. — Sputnik. Авиакырсыктан жабыркагандарга жана ал жерди тазалап жаткан кызматкерлерге азык-түлүк жана кийим кечелерди чогултуу токтотулду. Бул туурасында Бишкек мэриясынын маалымат катчысы Гуля Алмамбетова Facebook баракчасына жарыялады.
"Азык-түлүк менен кийим кечелер керектүү өлчөмдө чогулгандыктан кабыл алуу токтотулду. Бирок калоочулар акчалай түрдө жардам көрсөтсө болот" — деди Алмамбетова.
Билдирмеге караганда, эсеп ачуу премьер-министр Сооронбай Жээнбековдун буйругу менен ишке ашкан.
Бизнес коомчулук, жеке жактар, министрликтер менен ведомстволор жана башка каалоочулардын бардыгы төмөнкү реквизиттер аркылуу каражат которо алышат:
- Эсеп номери 4407012100007868
- КР Финансы министрлигинин борбордук казыналык банкы БИК 440001
- Эсеп коду 14238900
- Ош шаары, Моминова 11 көчөсү
- ОКПО 22710535
- ИНН 00103200110150
- Салык кызматынын Ош шаары боюнча коду 032
Дүйшөмбү күнү саат 7.30да "Манас" аэропортунун жанына Гонконгдон Стамбулга учуп бараткан Boeing-747 учагы кулаган. Ал Бишкекке май куюп алуу үчүн токтомок. Кыйроонун себептери аныкталууда. Акыркы маалыматтарга караганда, 40ка чукул адам көз жумуп, 13 киши жабыркады.
Каргашалуу кырсыктын чоо-жайын Sputnik Кыргызстан агенттиги даярдаган материалдан окусаңыз болот>>
