БИШКЕК, 22-янв. — Sputnik. Индиянын Орисса жана Андхра-Падеш штаттарынын чек арасында жүргүнчүлөрдү ташып бараткан поезд рельстен чыгып кетип, курман болгондордун саны 32ге жетти. Бул тууралуу РИА Новости ANI агенттигине шилтеме берүү менен жазып чыкты.
Буга чейин каза болгондордун саны 23 адамга жеткени айтылган.
12 morts et 100 blessés dans le déraillement d'un train à Andhra Pradesh #Indepic.twitter.com/jkDQiTOCrC
— Julien Le Clézio (@JulienLeClezio) January 21, 2017
"Поезддин 22 вагону болгон. Ал Жагдалпур шаарынан Орисса штатынын борбору Бхубанешавр шаарын көздөй бара жаткан. Жабыр тарткан 50 адам ооруканага жеткирилди. Учурда линиядагы поезддин каттамдары токтотулду", — деп айтылат маалыматта.
Кырсыктын себептери азырынча белгисиз. Бирок PTI агенттиги ишенимдүү булактарына шилтеме берүү менен "Индия темир жолдору" ишканасы бул кырсык атайылап жасалышы мүмкүн экенин болжоп жатканын жазды. Агенттиктин маектеши окуя болгон аймакта маоист согушкерлери иш жүргүзүп келерин белгилеген.
