БИШКЕК, 25-янв. — Sputnik. Дача айылынын тургундары авиакеросинге ууланган эмес, алар сасык тумоого кабылганы аныкталды. Бул тууралуу Саламаттык сактоо министрлигинин маалымат кызматы билдирди.
Дүйшөмбү күнү "авиакеросинге ууланды" делип ооруканага 12 адам жаткырылган. Алардын көбү балдар болуп чыккан.
Учурда ооруп келгендердин абалы туруктуу.
Министрликтин билдирүүлөрүнө ылайык, санитардык эпидемиялогиялык көзөмөлдөө бөлүмүнүн кызматкерлери кырсыктан авиакеросин аккан аймакты тактап, күйүүчү май 25 үй жайгашкан айылдын Линейная №9 көчөсүнө акканын аныкташты. Май көп агып, жыттанган жерлерден топурактын үлгүсү алынып, изилдөөгө жөнөтүлгөн. Жыйынтыгында адам ден-соолугуна коркунуч туудура турган эч кандай зат табылган эмес.
Эске салсак, 16-январда Дача айылына жүк ташуучу Boeing-747 учагы кулап түшүп, 39 кишинин өмүрү кыйылган.
