БИШКЕК, 5-фев. — Sputnik. Бишкек мэриясы жолго кум, туз себүү жана тоңуп калган муздарды чагуу боюнча шаардыктардын арызын WhatsApp аркылуу кабыл алат. Бул туурасында муниципалитеттин маалымат кызматы кабарлады.
Мэрия сүрөттөр тиркелген арыздарды төмөнкү WhatsApp номери аркылуу кабыл алынарын билдирди.
- Аскат Карынбаев (Ленин району) — 0557 997 927;
- Таалайбек Акматбаев (Октябрь району) — 0554 955 509;
- Руслан Шарапов (Биринчи Май району) — 0558 336 640;
- Марат Матмусаев (Свердлов району) — 0555 447 154.
"Мындан сырткары 185 жана 1840 номурларына чалып, арызыңызды күнү-түнү таштасаңыз болот жана андан сырткары 0554 —182-185 номурлары аркылуу сүрөттөрдү жибере аласыз", — деп айтышты мэриядан.
Муниципалитеттин маалыматына караганда өткөн суткада жолдорго 696 тонна кум жана 52 тонна туз чачылган.
Мэрия Бишкектин көчөлөрүн кар менен муздан тазалоого 492 киши чыгып, 19 техника пайдаланылганын билдирди.
