Жарым кылым мурунку Нарын. Тоо арасындагы шаардын архивдик сүрөттөрү

Нарын тоолордун арасында, деңиз деңгээлинен 2000 метр бийиктикте жайгашкан. Чок ортосунан Нарын дарыясы өтөт

Борбордук аянттагы жергиликтүү администрация — облустук комитеттин имараты. Бул азыр да шаардын көзгө басар курулуштарынын бири

Советтик доордогу Кыргызстандын 40 жылдыгы атындагы эс алуу паркындагы Владимир Ильич Лениндин эстелиги

Ал жылдары Нарындын борбордук көчөсү менен автобус, такси жана жеке унаалар каршы-терши жүрчү. 1994-жылы гана троллейбустук линия ачылган. Баса, троллейбус калаанын бир көчөсүнө гана ылайыкташкан

Бузулуп калган шаардык унаа СССРдин башка шаарларындагыдай эле ушундай автостанцияда оңдолчу

Муратбек Рыскулов атындагы Нарын облустук музыкалык-драма театры

Театрдын репертуары, актерлордун оюну, жада калса декорациялар да элге укмуштай таасир этээр эле. Сүрөттө Жусуп Турусбековдун "Ажал ордуна" тарыхый-революциялык драмасынын негизинде режиссер Бообек Ибраевдин постановкасынан алынган ирмем. Сахнада республиканын эл артисттери.

Жергиликтүү тургундардын билим алуусуна да мыкты шарттар түзүлгөн. Нарын педагогикалык училище мурда Гоголь атындагы мугалимдер институту болчу

Нарын Тянь-Шандын тоолоруна саякат жасайм дегендер үчүн алгачкы баскыч эле. Андыктан ушундай мейманкана үйлөрү курулган

Шаардын эң белгилүү "Ала-Тоо" рестораны. Азыркы абалы мышык ыйларлык...

"Соң-Көл" кинотеатрынын имараты. 2014-жылы ага республиканын эмгек сиңирген артисти Таттыбүбү Турсунбаеванын ысымы берилген

Калаадагы белгилүү универмагдардыг бири. Баса, 60-жылдарда кире бериш жеринде "Соода кызматкерлери, калкты тейлегиле!" деген жазуу илинип турчу

Бул сүрөттө Нарындын Москва көчөсүндө жаңы курулуп бүткөн көп батирлүү үйлөр чагылдырылган

60-жылдардагы борбордук телеграф. Азыр бул жерде "Кыргызтелеком" ишканасы жайгашкан

Элге кызмат көрсөткөн чач тарач, сүрөтчү, тикмечи, өтүкчү иштеген имарат