Дыйкан Атамали Девонаев көп жылдык тажрыйбасы бар багбандардын насааты менен быйыл өрүк бактарын тоңдурмалап сугаруу иштери жапырт башталганын айтат. Ал буга чейин улуу муун кеңири пайдаланып келген мындай тажрыйба менен өрүкзарларды курт-кумурскалардан арылтып, мол түшүм алууга өбөлгө түзүлөрүнө токтолду.
"Быйыл массалык түрдө жаштар да өрүк бактарга суу коюп жатышат. Муну бизден кийинки жаштарга да үйрөтүшүбүз керек. Тоңдурманын пайдасы өтө чоң. Курт-кумурскалардан арылабыз, түшүмдүүлүгү көбөйөт", — деди ал.
Баткен районун сугат суу менен камсыз кылуучу Төрт-Гүл суу сактагычында быйыл суу көп топтолгондуктан суу чарба кызматкерлери өрүк бактарына сууну эрте беришти.
"Негизи быйылкы вегетациялык сезонго суу чарба кызматкерлери жакшы даярдык көрдүк, Төрт-Гүл суу сактагычына көп суу топтолду, каналдар тазаланды", — деди Бердалиев.
Багбандардын айтымында, кышында суу ичкен өрүк дарагы жазында кескин өзгөргөн аба ырайына чыдамдуу келип, мол түшүм берет.
