БИШКЕК, 9-фев. — Sputnik. Айыл чарба продукцияларын Евразия экономикалык биримдигиндеги (ЕАЭБ) өлкөлөргө экспорттоодон сырткары, жаңы рынокторду дагы издөө керектигин өкмөттүн жыйынында премьер-министр Сооронбай Жээнбеков билдирди.
Жыйын учурунда жазгы-талаа иштерине даярдык көрүү маселеси талкууланган.
Айыл чарба министри Нурбек Мурашев талаа иштерине даярдык көрүүдө ар бир аймактын өзгөчөлүктөрү эске алынганын айтты.
Анын берген маалыматына караганда, жер-жерлерде оперативдик штабдар түзүлүп, ЕАЭБдин рыногуна багытталган айдап-себүү аянттары аныкталган.
Министрдин берген маалыматынан кийин өкмөт башчы Айыл чарба министрлиги канча көлөмдөгү чийки зат кайра иштетилерин жана алардын экспорттолушун алдын ала так пландоосу керектигин белгиледи.
