Айылчы Сарыбаев: мигранттар салган акча максатсыз пайдаланылып жатат

Мигранттар салган акчаны туура пайдаланып, экономиканы көтөрүү керек. Бул тууралуу Sputnik Кыргызстан агенттигине экономика илимдеринин доктору Айылчы Сарыбаев билдирди.

"Негизи мигранттардын бар экени терс көрүнүш. Анткени мигранттардын көптүгү өлкө экономикасынын төмөн экендигинен кабар берет. Алар акчаны өлкөгө эмес, үй-бүлөлөрүнө берип жатат. Анын арты менен социалдык абал бир азга болсо да жакшырууда. Тилекке каршы, акчалар инвестиция катары эмес, керектөө катары келип жатат", — деди эксперт.

Ал мигранттардын которгон каражаты максатсыз пайдаланылып жатат деген пикирин кошумчалады.