БИШКЕК, 12-фев. — Sputnik. Кыргызстандын хоккей командасы бүгүн Японияда өтчү Азия кышкы оюндарына учат. Бул тууралуу Жаштар иши, дене тарбия жана спорт мамлекеттик агенттиги билдирди.
Маалыматка ылайык, Япониянын Саппоро шаарында өтө турган мелдешке кыргыз делегациясынын курамында 23 оюнчудан тышкары бир машыктыруучу жана бир дарыгер бар. Ал жакта спортчулар кышкы оюндар башталганга чейин машыгууларын улантмакчы. Өлкө намысын жалпысынан 33 спортчу коргойт.
Ал эми көркөм муз тебүү, тоо лыжасы жана биатлон боюнча катыша турган спортчулар менен расмий делегация 19-февралга чейин барат.
Кошумчалай кетсек, аталган мелдеште 30 мамлекеттен келген спортчулар спорттун 11 түрү боюнча ат салышат.
