Эске сала кетсек, кечээ, 16-февраль күнү Бишкекте курулушчулар бешинчи кабаттан кулап, оор жаракат алышкан.
"Курулуш коопсуздугун сактоо максатында үч жылдан бери аракеттер көрүлүп келет. Ага ылайык, атайын курулуштарды көзөмөлгө алган инспекторлорду окутуп жатабыз. Алар курулуштарга кирип текшере алат. Ошонун арты менен акыркы жылдары курулуштагы кырсыктар акырындык менен азайы келе жатат. Жалпы өлкө боюнча үч жыл мурун 160га чукул кырсык болсо, өткөн жылы алардын саны 122ге кыскарды", — деди Жолчиев.
Ал анткен менен инспекторлордун саны аздык кылып жаткандыгын айтып, бардык курулуш объектилерди текшерүүгө үлгүрбөй келерин кошумчалады.
Мындан сырткары, курулушчулар көпчүлүк учурда кайдыргерлик кылып, тиешелүү коопсуздук эрежелерин сактабагандыктан улам кырсыкка кабыларын кошумчалады.
