БИШКЕК, 18-фев. — Sputnik. Бишкек мэриясы 1994-жылы чыккан паспортторду алмаштыруу керектигин шаардыктарга эскертти.
Былтыр ноябрь айында Мамлекеттик каттоо кызматы 1994-жылкы паспорттор 31-мартка чейин гана жарактуу болорун билдирген. 1-апрелден тарта ал юридикалык күчүн жоготот.
Мамлекеттик каттоо кызматы 2015-жылдын август айынан тарта 60 жаштан улуу болгон жарандардын паспортун бекер алмаштыруу аракеттерин көрүп келет.
Мэриядан билдиришкендей, эски үлгүдөгү документ көтөргөн шаардыктар тез арада паспорттук виза бөлүмүнө барып 2004-жылкы паспортко (ID-card) алмаштыруусу керек.
Эгер суроолор туулса Мамлекеттик каттоо кызматынын 119 тынымсыз телефонуна кайрылып, жооп алууга болот.
