БИШКЕК, 20-фев. — Sputnik. Щвецияда өткөн эл аралык турнирде Айсулуу Тыныбекова экинчи орунга ээ болду. Бул тууралуу Бириккен күрөш дүйнөсүнүн сайтына жарыяланды.
Маалыматка ылайык, 19-февралда эркин күрөш боюнча "Klippan Lady Open 2017" эл аралык турниринде Тыныбекова 58 килограмм салмак категориясында япониялык Юзури Кумано менен беттешип, аны 9:6 эсебинде утуп алган.
Андаң соң финалдык беттеште россиялык Валерия Коблова менен чыкмак, бирок алган жаракатына байланыштуу күрөшкө чыккан жок.
Кошумчалай кетсек, аталган турнирге Кыргызстандан алты балбан кыз катышкан.
