БИШКЕК, 28-фев. — Sputnik. Россиянын президенти Владимир Путин Кыргызстанга расмий иш сапары менен келгендигин өкмөттүн маалымат кызматынан кабарлашты.
"Манас" эл аралык аэропортунан Россиянын лидерин кыргыз өкмөтүнүн башчысы Сооронбай Жээнбеков тосуп алды.
Путин Борбор Азия мамлекеттери — Казакстан, Тажикстан жана Кыргызстанга иш сапары менен келери айтылган. Россиянын лидеринин сапары дипломаттык мамилелердин 25 жылдыгына арналган.
