БИШКЕК, 1-мар. — Sputnik. "Ислам мамлекети" террордук уюмунун башчысы Абу Бакр аль-Багдади өзүнүн тобунун акыркы согуштарда жеңилип калгандыгын мойнуна алып, тарапташтарын тоолуу аймактарга жашынууга үндөдү. Бул тууралуу Alsumaria телеканалына таянып РИА Новости кабарлады.
"Аль-Багдади акыркы жолу сүйлөп жатканын айтып, террордук уюмдун учурдагы абалын тарапташтарына түшүндүрүп берген. Ал өз сөзүндө террорчуларга Ирактын жана Сириянын тоолуу жерлерине жашынууга үндөгөн", — деп жазылат маалыматта.
Ирактын түндүк тарабындагы Мосул аймагын 2014-жылы басып алган "Ислам мамлекети" террордук тобунан куткаруу боюнча аракеттер 2016-жылдын 17-октябрынан тарта башталган. Ага Ирактын аскерлери, жергиликтүү кошуундар, күрд күчтөрү жана АКШ башында турган эл аралык коалициянын аскер аба күчтөрү катышууда.
