БИШКЕК, 16-мар. — Sputnik. Эл аралык донорлор бөлгөн каражаттар Кыргызстанда максаттуу колдонулуп жатканын Россиянын Кыргызстандагы ыйгарым укуктуу өкүлү Андрей Крутько "Кыргызстанды туруктуу өнүктүрүү боюнча комплекстик программа" иш-чарасынын алкагында билдирди.
"БУУ институттарынын Кыргызстанда уюшкандык менен иштеши дүйнө жүзүнө үлгү боло алат. Бул донорлордун Кыргызстанга келген каражат уурдалбай, максаттуу колдонулуп жатканына ишенеринен кабар берет", — деди дипломат.
Учурда Кыргызстандын аймактарын өнүктүрүү боюнча комплекстүү иш-чаралар жүргүзүлүп жатат. Мисалы Россия ПРООН менен биргеликте Нарын облусундагы 84 ишкананын ачылышын каржылады. Ошондой эле ирригациялык системалардын курулушунун натыйжасында 25 миң адам таза суу пайдаланууга мүмкүнчүлүк алды.
