БИШКЕК, 22-мар. — Sputnik. Ноокат районунун Кара-Таш айыл өкмөтүнө караштуу Будайлык айылынын жолдору кар көчкүдөн тазаланып, электр чубалгылары калыбына келтирилди. Бул тууралуу Кыргыз-Ата айыл өкмөтүнүн башчысы Бакытбек Марипов аймактык кабарчыга билдирди.
Буга чейин маалым болгондой, 19-мартка караган түнү саат 04:00 чамасында калың жааган кардан улам аймактын Ак-Көчкү тилкесине көр көчкү түшкөн.
"Анын кесепетинен эки тарапка кетүүчү жол жабылып, электр чубалгылары үзүлгөн. Будайлык, Калдай айылдарынын тургундары уюлдук байланышсыз калышкан. Учурда Кара-Кой, Будайлык, Калдай айылдарына баруучу жолдор ачык жана уюлдук байланыш бар. Үзүлгөн электр чубалгылары калыбына келтирилип, жергиликтүү жашоочуларга электр жарыгы берилди", — деди Марипов.
Кар көчкүдөн эч ким жаракат алган эмес.
