БИШКЕК, 22-мар. — Sputnik. Бир нече жылда 915 тыйынды жутуп алган ташбака операциядан кийин өлдү. Бул тууралуу Таиланддын үчүнчү улуттук телеканалы кабарлады.
Маалыматка ылайык, ташбака Бангкок шаарындагы Чулалонгкорн университетинин ветеринардык ооруканасында өлүп калган. Дарыгерлер буга чейин анын ичегисине жана карынына операция жасап, ичинен 915 тыйын алынган.
Ташбаканын абалы операциядан кийин жакшырган, бирок андан кийин кайрадан оорлоп экинчи ирээт операция жасалган. Ага карабай жандыктын канында никелдин курамы 200 эсеге чейин жогорулап кеткендиктен өлгөн.
Кошумчалай кетсек, аталган көк ташбакалар 80 жылга жакын жашайт. Учурда алар жоголуп бара жаткан жаныбарлардын катарына кирет.
