БИШКЕК, 31-мар. — Sputnik. Жайыл районунун Сосновка айылында беткапчан каракчылар май куючу жайды тоноп кетти. Бул туурасында ИИМдин маалымат кызматы билдирди.
23 Жалган Куран 2017, 11:51
Маалыматка ылайык, 26-март күнү болжол менен саат 1.40дарда май куючу жайды эки бала келип тоноп кеткен. Оператордун айтымында бет капчан келген каракчылар күч колдонуп, андан кассадагы акчаларды берүүнү талап кылган. Өмүрүнө коркунуч жаралганда ал баштыгындагы жана кассадагы акчаларды алып чыгып берген.
Андан кийин каракчылар белгисиз тарапка качып кетишкени айтылат. Бул боюнча кылмыш жаза кодексинин 168-беренеси (каракчылык) менен кылмыш иши козголгон.
Кийинчерээк милиция кылмышка шектүү Жайыл районунун айылдарынын биринде жашаган 18 жаштагы эки баланы колго түшүргөн. Учурда тергөө айыпталуучулардын жазык иши боюнча жүрүп жатат.
