Абдишарип Бекилов: Жалал-Абадда сел жүрүү кооптуулугу бар 189 аймак аныкталды
Жалал-Абад боюнча сел жүрүү коркунучу күч 189 аймак аныкталды. Бул тууралуу Sputnik Кыргызстан агенттигине ӨКМдин Жалал-Абад облустук башкармалыгынын башчысы Абдишарип Бекилов билдирди.
Анын айтымында, селге каршы туруу үчүн аталган аймактарда бардык иштер жасалууда.
"189 аймактын ичинен 59 аймакта табигый кырсыктын алдын алуу боюнча иш план бар. Анын ичинен 15 кооптуу жерде иш аракеттер бүтүп, калган жакта уланууда. Ал эми 130 объектиде жергиликтүү бийлик менен биргеликте сүйлөшүүлөр жүрүп, арматура, цемент сыяктуу керектүү буюмдар берилди", — деди Бекилов.
Ал жарандарга да түшүндүрүү иштери жүргүзүлүп жатканын кошумчалады.
