Учурда дастанчылык өнөрдүн абалы өтө оор. Айтыш өтсө билет таппай, курч талаш-тартыш менен өтүп калды. "Манас" эпосу ЮНЕСКОГО катталды. Дастанчы ким десең кол менен көрсөтөөр эч ким жок. Бул тууралуу белгилүү дастанчы, "Эл ырчысы Эстебес" тобунун ырчысы Өмүрзак Кайыпов айтып берди.
Анын айтымында, дастанчылыкка өмүрүн арнаган адамдар аз санда.
"Бир жыл мурун дастанчылардын "Дастанчы" коомдук фондун ачканбыз. Анда манасчы Самат Көчөрбаев, мен жана өнөрпоз жигит Токтобек Асаналиев бар. Себеби ар тараптуу болуш үчүн вокалдык жагын Токтобек караса, акындык, манасчылык жагын Самат, нукура дастанчылыкты колго алып, ата-бабалардан калган чыгармаларды иштеп чыккан жагына мен жардам берем. Азыраак уул-кыздарды чогултуп, шартка ылайыктуу сабактарды өтүп, иштеп келе жатабыз. Анткени атайын имаратыбыз, тийиштүү шартыбыз жок", — деди Кайыпов.
