БИШКЕК, 26-апр. — Sputnik. Эртең Кыргызстандын айрым жерлеринде жаан жаай турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрден 14 метрге чейин жетет.
"Күндүз Чүй, Талас, Ош, Жалал-Абад, Баткен облустарынын көпчүлүк аймактарында кыска мөөнөттүү жаан, ал эми тоо этектеринде кар жаайт", — деп айтылат кабарда.
Чүй менен Таласта 18…23 градус жылуу болсо, Ош, Жалал-Абад жана Баткен дубандарында күндүн табы 20…25 градуска чейин көтөрүлөт. Ысык-Көлдө 16…21, ал эми Нарында 17…22 градус жылуу болушу күтүлүп жатат.
Бишкекте 21…23, Ош шаарында 24…26 градус жылуу болору болжолдонууда.
