БИШКЕК, 28-апр. — Sputnik. WikiLeaks сайты Американын борбордук чалгындоо башкармалыгына (ЦРУ) тиешелүү кезектеги жашыруун Vault 7 деген документтерди жарыялады. Бул тууралуу РИА Новости агенттиги билдирди.
Сайттын маалыматына караганда жаңы документтерде ЦРУнун Scribbles деп аталган долбоорлорунун коддору камтылган. Бул долбоор Microsoft Office документтерин интернетке кошулбай туруп эле изилдеп, андагы маанилүү маалыматтарды чогулта алат. 2016-жылы 1-мартта сыр деген белги коюлган документтерди 2066-жылга чейин ачыкка чыгарууга тыюу салынган.
WikiLeaks сайты ЦРУнун сыр документтеринин топтомун биринчи жолу 7-мартта жарыялап, бул аракеттер ачыкка чыккан сыр документтердин эң ириси болорун маалымдаган. Ал 8,7 миң документ жана файлдан турат.
