БИШКЕК, 28-апр. — Sputnik. Ысык-Көл облусундагы көлдүн түштүк жээги, Бөкөнбаев айылына жакын аймакта күчү беш баллга жеткен жер титирөө катталды. Бул туурасында Sputnik Кыргызстан агенттигине Илимдер академиясынын Сейсмология институтунан кабарлашты.
29 Жалган Куран 2017, 15:26
Жер силкинүү бүгүн 11.00дө катталып, анын очогу Бөкөнбаев айылынан түштүк-батышты карай 33 чакырым аралыкта жайгашкан.
Жердин термелүүсү жакын жайгашкан Темир-Канат, Тогуз-Булак айылдарында 4 баллга жеткен. Алдын ала маалыматтарда жабыркагандар жана ураган имараттар болгон эмес. Институттан эпицентрге жакын жердеги үйлөрдөн жарака кетиши мүмкүндүгүн айтышты.
