БИШКЕК, 2-май. — Sputnik. Кыргыз улуттук университетинин жетекчисин шайлоо 27-май күнү болот. Бул тууралуу аталган университеттин маалымат кызматы билдирди.
Эскерте кетсек, Адамкулова үстүбүздөгү жылдын 6-апрелинде Жусуп Баласагын атындагы Улуттук университеттин ректорлугунан бошотулуп, Дипломатиялык академиянын жетекчиси болуп дайындалган.
"Учурда тогуз адам өз талапкерлигин койду. Аларды мугалимдер 27-май күнү шайлашат", — деп жазылат маалыматта.
Эреже боюнча мугалимдер талапкерлерге добуш берип, алдыңкы үчөө премьер-министрдин кароосуна жөнөтүлөт. Өкмөт башчынын буйругу менен окуу жайдын жаңы жетекчиси шайланат.
