Эржигитов: биометрикалык паспортко жаран тууралуу 19 маалымат камтылды
Биометрикалык паспорт алууну каалаган жарандардын саны оголе көп болгондуктан, Калкты тейлөө борборлорунун иш күнү убактылуу саат 19:00гө чейин узартылгандыгын Sputnik Кыргызстан агенттигине Мамкаттоо кызматынын маалымат катчысы Мелис Эржигитов билдирди.
"Жаңы паспорт алууну каалагандардын саны эч убакта мынчалык көп болгон эмес. Эң көп дегенде бир күндө 1100 адам кайрылган учур болгон. Бул жолу 1498 адам анкета толтурду", — деди Эржигитов.
Ошондой эле ал жаңы паспорттун өзгөчөлүктөрүнө токтолду.
Анын айтымында, электрондук паспортто жаран тууралуу 19 маалымат камтылган.
Ошондой эле бир дагы жаранды паспортун алмаштырууга мажбурлоо болбошу керектигин кошумчаланды.
