Тоялиева: көргөзмө өткөрүү машакаттуу иш
Көргөзмөнүн өзү эле чоң долбоор экенин 18 жылдан бери чет мамлекетте иштеп жашап келген Гүлнур Тоялиева Sputnik Кыргызстан агенттигине берген маегинде айтып берди.
Анын айтымында, мода көргөзмөсүнө кеминде бир ай даярдануу керек.
"Чет өлкөдө жашап немис болуп калыптырмын. Стилистке да ишенбей баарын жеке көзөмөлдөгөндү жактырам. Фотограф менен да бир сыйра кармашам. Столдун үстүнө коюлган стакандан тарта, иштин майда-чүйдөсүнө чейин кийлигишем. Кээ бир моделдер катыштырбайсың деп таарынат. Мода көргөзмө меники болуп жаткандан кийин мен каалагандай болушу керек деп ойлойм", — деди Тоялиева.
