БИШКЕК, 6-май — Sputnik. Аргентинанын депутаттар палатасы 9-майды Жеңиш майрамы катары расмий белгилей башташы мүмкүн. Бул тууралуу кинорежиссер жана Аргентинадагы россиялык мекендештер координациалык кеңешинин президенти Силвана Ярмолюкка таянуу менен РИА Новости жазып чыкты.
"9-майды жеңиш күнү деп жарыялоо боюнча сунуш депутаттардын кароосуна жибергенбиз. Колдоо тапса кабар беребиз", — деген Ярмолюк.
Анын айтымында, мындай сунуш бир жыл мурда жөнөтүлгөн. Өткөн жумада депутаттардын кароосуна коюлуп, айрым бөлүктөрү жактырылган.
