БИШКЕК, 7-май — Sputnik. Дүйнөлүк Куран жарышта Кыргызстандын намысын коргогон Абдурахман Закиров 3-орунду ээледи. Бул тууралуу муфтияттан билдиришти.
Маалыматка ылайык, Кыргызстандын намысын коргоо үчүн төрт жаран барган.
"Үчөө Куран жарышына катышса, бирөө хадис боюнча күч сынашты. Сынактын жыйынтыгы боюнча Сокулук районунун Жаңы-Жер айылындагы медресенин тарбиялануучусу 19 жаштагы Абдурахман Закиров Куран жаттоо боюнча 3-орунду багынта алды", — деп айтылат маалыматта.
Кыргызстан мусулмандар дин башкармалыгы жыл сайын өлкө боюнча Куран жарыштарын өткөрүп турат. Анда жакшы көрсөткүчкө жетишкендер дүйнөлүк сынактарга жолдомо алат.
