БИШКЕК, 8-май. — Sputnik. Бишкекте 9-май күнү "Ак-Кула" ат майданынын айланасындагы көчөлөр жабыларын Sputnik Кыргызстан агенттигине Кайгуул милициясынын маалымат кызматынан билдиришти.
Маалыматка карганда, ал күнү ипподромдо көк-бөрүнүн финалдык оюну болгондуктан, Термечиков көчөсү Лев Толстойдон баштап Гагарин көчөсүнө чейин жабылат.
Ошондой эле "Өлбөс полктун" жүрүшүнө байланыштуу борбор калаада башка көчөлөрдө дагы кыймыл чектелет.
- 8:30дан 12:00гө чейин төмөнкү көчөлөрдүн бөлүктөрү жабык болот:
- Масалиев көчөсүнөн Байтик баатыр көчөсүнө чейин ("Түштүк дарбазадагы" Жеңиш паркынын алдындагы бөлүгү);
- Байтик баатыр көчөсүнөн Абдрахманов көчөсүнө чейин (Масалиев көчөсүнөн Фрунзе көчөсүнө чейинки бөлүгү);
- Фрунзе көчөсү (Абдрахмановдон Ибраимов көчөсүнө чейинки бөлүгү);
- Шопоков көчөсү менен Ибраимов көчөсүндөгү Чүй проспектисинен Жумабек көчөсүнө чейинки бөлүгү.
"Бул көчөлөр "Өлбөс полктун" жүрүшүнүн катышуучулары өтүп кеткиче гана жабылып турат. Андан соң кайра ачылат", — деп айтылат билдирүүдө.
Мындан улам Бишкек ШИИБ айдоочулардан каттамды алдын ала пландап алууну өтүнөт.
