БИШКЕК, 9-май. — Sputnik. Түштүк Кореяда президенттик шайлоого катыша албай калган 18 жаштагы студенттер нааразычылык акциясына чыгышты. Бул тууралуу РИА Новости жазды.
Алар мурдагы мыйзамдагыдай 19дан эмес, 18 жаштан жогорку жарандарга добуш берүү укугун берүүнү талап кылууда.
"Биз деле өлкөгө жаңы президенттин келишин күтөбүз. Бирок өзүбүз аны шайлоого катыша албай жатабыз", — деп акцияга чыккан студенттер билдиришти.
Алардын ою боюнча, демократиялуу өлкөдө жаштардын саясатка катышуусуна чектөө болбошу керек.
Эске салсак, президенттик шайлоодо беш талапкер ат салышууда. Алар: Демократиялык партиянын өкүлү Мун Чжэ Ин, "Элдик партиядан" Ан Чхоль Су, "Эркин Корея партиясынын" атынан Хон Чжун Пхё, "Акыйкат саясий партиясынан" Ю Сон Мин жана Түштүк Кореяда саясий күч деп эсептелген "Акыйкат партиясынан" депутат Сим Сан Чжон катышып жатат.
Кореянын тарыхында Пак Кын Хе импичменттин айынан президенттиктен кол жууган алгачкы президент. Ал мамлекеттин ишине досу Цой Сун Силди аралаштырган деп айыпталган. Цой Сун Кореядагы ири компаниялардан пара алганы айтылууда.
