БИШКЕК, 18-май. — Sputnik. Бишкекте Түрк кеңешине кирген өлкөлөрдүн жогорку окуу жайларынын студенттери спорттун алты түрү боюнча күч сынашууда. Бул тууралуу Кыргыз-Түрк "Манас" университетинин Дене тарбия жана спорт жогорку мектебинен билдиришти.
Маалыматка ылайык, мелдеш 15-майда башталган. Ага Казакстан, Азербайжан, Түркия жана Кыргызстандын студенттери катышып, волейбол, мини-футбол, стритбол, таяк тартыш, күрөш боюнча ат салышууда.
Спорттук иш-чаранын уюштуруучуларынын бири Дене тарбия жана спорт жогорку мектебинин директору Канат Жанузаковдун айтымында таймашка Европадагы мелдештерге катышкан спортчулар келген.
Аталган мелдешке 200дөн ашык студенттер катышууда, иш-чара 19-майда жыйынтыкталат.
