Ал 1993-жылы Чүй облусунун Ысык-Ата районуна караштуу Жээк айылында туулган. 2010-жылдан тарта мектеп мугалими, 19 жашында окуу тарбия бөлүмүнүн башчысы болууга жетишкен. Учурда Ысык-Ата районунун билим берүү мекемесинде окуу бөлүмүн жетектейт жана №4 мектеп-гимназияда мугалим болуп иштеп келүүдө.
"Өзүм физиканы терең үйрөнүп космос ааламын ачуу жана асман телаларын окууга аябай кызыкчумун. Бирок физика багытында окуган мугалимден сабак албай калгам. Өзүм мугалим болгондон кийин күнүгө кечинде өткөн тема менен алдыдагы жаңы темаларды салыштырып, кошумча китептерди окуп балдарга жакшы билим берүүгө аракет кылам", — деди Таалайбеков.
Ошондой эле ал, мугалим мойнундагы жоопкерчилигин сезип окуучуларга эң биринчи өзү үлгүү болушу керектигин баса белгиледи.
