БИШКЕК, 29-май — Sputnik. Түн ичиндеги үп адамдын жакшы эс алуусуна терс таасир тийгизе турганын окумуштуулар аныкташты. Бул тууралу РИА Новости агенттиги Science Advances журналына таянуу менен билдирди.
Мындай изилдөөнү жүргүзүүгө 2015-жылы Сан-Диегодогу аптаптуу аба ырайы себеп болгонун авторлордун бири Ник Обрадович айтат. Ал түндөгү үп адамдын уйкусуна кандай таасир берерине кызыккан.
Изилдөөгө 2002-жылдан 2011-жылга чейинки мезгил арасындагы медициналык маалыматтар алынып, алар метеорологиялык кызматтын абанын температурасы боюнча берген маалыматтарына салыштырылган.
Андыктан түн ичинде аба ырайынын 1 градуска жогорулашы жашоо шарты төмөн кишилер менен 65 жаштан жогорку курактагы кишилерге терс таасирин тийгизери аныкталган.
