БИШКЕК, 2-июн. — Sputnik. Кыргызстандын жарандары үчүн Россиянын бир катар шаарларында каттоого туруу боюнча "түз байланыш" иштей баштаганын аталган өлкөдөгү элчилик билдирди.
Элчилик Россия тараптан азырынча Кыргызстандын жарандары үчүн каттоо ыраатын өзгөртүү боюнча кандайдыр бир расмий маалымат келе электигин белгилеп, ага карабастан өкүлчүлүк аталган маселе жаатында консультацияларды жүргүзүп жатканына токтолду.
Дипөкүлчүлүк кыргызстандыктарды аталган шаарга жеке сапар менен баруудан баш тартууга, эгер бара турган болсо тиешелүү процедуралардан өз маалында өтүүгө чакырат.
"Түз байланыштын" номерлери:
- Москва (КР элчилиги) — +7 (925) 864-49-60, +7 (925) 864-51-25; КР Миграция кызматынын өкүлчүлүгү — +7 (925) 291-72-72, +7 (495) 780-74-10; КР ИИМинин Россиядагы өкүлчүлүгү — +7 (929) 657-19-97;
- Санкт-Петербург (элчиликтин канцеляриясы) — +7 (900) 634-90-95;
- Казань (КР Миграция кызматынын өкүлчүлүгү) — +7 (965) 594-60-23;
- Сочи (КРдин Краснодар крайындагы ардактуу консулдугу) — +7 (988) 245-43-02.
Элчилик россиялык тарап Кыргызстандын тынчсыздануусун туура кабыл алып, жакын арада маселе РФ ИИМи менен биргеликте чечилерин убадалады деп түшүндүрдү.
